జీవన కాలం

స్వతంత్రం వచ్చింది

ఓ కుర్రాడు—ఈదేశానికి స్వతంత్రం వచ్చిన 20 సంవత్సరాలు తర్వాత పుట్టినవాడు ……..కాపీ కొట్టడానికి అవకాశం ఇవ్వలేదని సాటి మితృలతో కలిపి టీచర్ని కొట్టాడు…….తండ్రి కుర్రాడిని కొట్టాడు.

యువకుడు తన మితృలందరిని పోగేసి, ఇంటికి వచ్చి తండ్రిని నిలదీసేసరికి, ఆ తండ్రి……రెండుచేతులూ జోడించి, తనకొడుకుని శిక్షించినందుకు తనకొడుక్కే క్షమాపణ చెప్పాడు.

మరి దేశానికి స్వాతంత్ర్యం రాలేదని యెవరంటారు?

* * *

పెళ్ళయి కాపురం చేస్తున్న దంపతులు రెండో ఆట సినిమా చూసి, ఇంటికి వస్తున్నారు. (ఇది ఇటీవల బొంబాయిలో జరిగిన ఉదంతం కాదు. దాదాపు 8 సంవత్సరాల క్రితం ఒరిస్సాలో జరిగినది)

—ఇద్దరు…..స్వతంత్రం పుట్టిన పదేళ్ళకే పుట్టినవాళ్ళూ…..ఆమెను తమతో పంపించమని…….భర్త….కొట్టబోతే…..”ఈరాత్రి మాతో గడిపిన భార్యని జీవితామంతా మిగుల్చుకొంటావా……ఇద్దరూ గల్లంతయిపోతారా?” …….భర్త చెయ్యత్తి కొడితే, అతన్ని కొట్టి, చంపకుండా అక్కడే వదిలేసి, యేడుస్తున్న భార్యని తీసుకెళ్ళారు.

ఈ దేశం లో వాళ్ళు పుట్టడానికి పది సంవత్సరాల ముందే స్వాతంత్ర్యం వచ్చింది.

* * *

ఓ రాష్ట్రం లో ఓ పోలీసాఫీసరు, స్వాతంత్ర్యం రావడానికి దాదాపు రెండు దశాబ్దాల అవతల పుట్టినవాడు—ఓ మహానగరం లో నడిబొడ్డున గుడిసెలు వేసుకున్న స్థలం మీద కన్ను వేశాడు……..పదిహేను సంవత్సరాలుగా……ఆస్థలాన్ని యెలా ఖాళీ చేయించాలో తెలియక……..యెవరూ కొనలేదు…….పోలీసాఫీసరుగారి మద్దతుతో చకచకా ఒకాయన కొన్నాడు……తెల్లవారేసరికి గుడిసెలు నేలమట్టమయ్యాయి…..ఎంక్వైరీ అన్నారు……..పెరిగే ప్రభుత్వంలో పెద్దమనుష్యుల్ని నేలమట్టం చేస్తానన్నాడు……..ఎంక్వైరీ ఆగిపోయింది.

ఆఫీసరు ఆనందంతో రెటైరయి, హాయిగా కాలక్షేపం చేస్తున్నాడు!

ఈ దేశానికి స్వాతంత్ర్యం వచ్చి ఇంకా 35 సంవత్సరాలే అయ్యింది!

13-08-1982